-- ADVERTISEMENT --
BUTUAN CITY – Ngilngig nga kamatayon ang na-angkon sa mag-inahan sa Sitio Looc, Brgy. Luna, Surigao City human gitigbas sulod mismo sa ilang panimalay kaganina sa wala pa mailang responsable.
Naila ang mga biktimang sila Mylene Golloso Virgen, 40-anyos, minyo ug mga anak niining lalaki nga nag-edad og 13- anyos ug babayeng nag-edad og 9 anyos.
Base sa inisyal nga imbestigasyon sa Surigao City Police Station, nadiskubrehan ang nadangatan sa mga biktima sa 16-anyos ra usab nga anak sa ginang.
Padayon pa ang gihimong imbestigasyon aron ma-ilhan na ang responsable ug ang motibo sa kremin. Napahibalo na usab ang padre de pamilya nga nagtrabaho sa usa ka mining company.
