BUTUAN CITY – Patay nang napalgan sa kaahuyan dulo sa Lisbon si Robert Card, ang lalaking namusil-patay sa Lewiston, Maine nga mikalas og 18 ka mga tawo samtang ubay-ubay ang angol human ang duha ka adlaw nga manhunt operation.
Gi-anunsyo ang iyang kamatayon sa gihimong press conference sa Lewiston ug sigon sa mga saksi, suot sa 40-anyos nga suspek kinsa usa ka kanhi army reservist ang susamang sapot nga iyang gisuot atol sa shooting spree sa Spare Time Recreation bowling alley ug Schemengees bar sa Lewiston gamit ang assault weapon.
Nadiskubre nga duna kini samad-pinusilan nga posibleng iya rang binuhatan hinungdan nga natapos na ang massive manhunt operation nga gilambigitan sa libuang mga law enforcement officers.
Napalgan ang iyang patay’ng lawas sa recycling centre diin siya nagtrabaho kansa distansya lang sa sakyanang iyang gibiyaan.
Gika-ingong nagbilin usab kini suicide note.
