NFA-Caraga, mihangyo sa mga local farmers nga baligyaan sila og humay

BUTUAN CITY – Gi-awhag ni National Food Authority kon NFA-Caraga regional manager May Sara Sabarre ang mga mag-uuma sa Caraga Region ingon man ang mga Cooperatiba nga kung mahimo, mubaligya kanila og gamayng bahin sa ilang humay.

Kini tungod sa grabe ka-ubos sa stock sa bugas sa ilang warehouse base na usab sa ilang pinaka-ulahing inventory.

Alayon niini, gihangyo usab sa maong opisyal ang mga mag-uuma nga tabangan ang National Food Authority nga madugangan ang ilang buffer stock.

Sa kasamtangan, nagdumili una ang maong buhatan pagsanong sa sugyot nga corporate farming, tungod kay maglisod pa sila pagpa-uga sa mga makuha nila nga basa nga humay gikan sa mga mag-uuma.