BUTUAN CITY – Aminado si Atty. Hillary Olga Reserva, legal counsel sa mga lider sa Socorro Bayanihan Services Incorporated kon BSBI nga medyo takilid sila sa imbestigasyon sa Senate Committee on Public Order and Dangerous Drugs ug sa Committee on Women, Children, Family Relations and Gender Equality.
Sa eksklusilbong pakighinabi sa Bombo Radyo Butuan, gipadayag ni Atty. Reserva nga kini ilabina nga bug-at ang opinyon sa publiko batuk sa iyang mga kliyenteng sila Jey Rence Quilario, Karren Sanico, Janet Ajoc ug Mamerto Galanida.
Dugang pa sa abogada, wala pa sila’y nakitang legal remedy sa korte batuk sa pag-contempt sa Senado sa ilang mga kliyente tungod kay kusog ang contempt power sa Senado nga dili mahimong i-encroach sa korte.
Sa pagkakaron, ilawom pa gihapon sila sa power sa Senado ilabina sa mga prosesong legal rason nga maghulat na lang sila kung kanus-a tangtangon ang contempt order batuk sa ilang mga kliyente.
