BUTUAN CITY – Patong-patong nga mga kasong duna’y kalambigitan sa ilegal nga drugas ang atubangon sa tulo ka mga drug personalities nga nasapon atol sa drug buy-bust operation nga gilusad sa mga sakop sa Philippine Drug Enforcement Agency kon PDEA-Caraga, PDEA-Surigao del Sur Provincial Office ug Bislig City Police Station ning mi-aging alas-otso sa gabii s may Purok 8 Piape, Brgy. Poblacion, Bislig City, Surigao del Sur.
Naila ang mga nadakpan nga sila Dave Verano Sumaganday; Geflor Erezo Verano ug Joey Suarez Dedios, ang drug den maintainer.
Nakuha gikan sa ilang posisyon ang usa ka heat-sealed transparent plastic sachet sa suspected shabu uban sa usa ka libo ka pisos nga marked money, laing duha ka selyadong sachets gihapon sa susamang epektos nga mitimbang og 10-gramos ug nagkantidad og 80-mil pisos.
Anaa pa ang tinuod nga usa ka libo ka pisos nga marked money; usa ka Android cellular phone; ug mga illegal drug paraphernalia.
