BUTUAN CITY – Upat ka mga pamilya ng gilangkuban sa 8 ka indibidwal ang apektado sa natigayong sunog kagahapon sa hapon sa Purok-4 Brgy. Mahogany ning dakbayan sa Butuan.
Base sa initial nga imbestigasyon, pasado alas-3:20 sa hapon nagsugod ang kalayo gikan sa kwarto ni Angelica Maputi kansang balay gipanag-iyahan ni Jonacil Alberio, 36 anyos ug gideklarang fire out pasado alas-4:50 sa hapon.
Usa ka balay ang totally damaged ug duha usab ang partially damaged.
Nahatagan gilayon og welfare goods sa Butuan Cilty Social Welfare and Development kon CSWD ang mga apektadong pamilya human sa gihimong interview kanila.
Temporaryong nagpasilong ang pamilya ni Alberio sa iyang kabanay sa may Bgry. Amparo ug ang ubang apektadong pamilya nagpasilong sa mga silingan nila sa susamang purok.
