BUTUAN CITY – Nagpakita og maayong away ang Pinoy boxer nga si Juanito ‘El Kapitan’ Paredes human niini gipahagba ang Indian boxer nga si Ar Jun sa unang round pa lang sa ilang away alangsa 2023 International Pro-Boxing Championship nga gipahigayon sa India.
Gi-ila siyang Himalayan King human nakuha ang super lightweight championship belt.
Nasayrang agresibo ang Indian boxer sa unang hugna sa ilang away apan dihang na-igo kini sa power punch sa Pinoy boxer, na-angkon niini ang iyang unang knockdown kondiin klarong nalipong kini ug dinhi na siya gipaspasan pagpa-ulan og mga kinomo hangtud nga hingpit nang natumba rason nga gihunong na sa referee ang away.
Sa eksklusibong interview sa Bombo Radyo Philippines, gipadayag ni Paredes nga wala niya kini gila-umang mahitabo rason nga bisan siya nakurat nga pila ka segundo pa lang sa away, natapos na kini.
Sigon ni Illongo boxer, iya lang gituman ang ilang game plan ug subsob ang iyang training ilabina nga kaduha pa siya napildi adiser ang away nila Ar Jun.
