BUTUAN CITY – Gideklarang Grand Champion ang Contingent No. 3 nga LGU-Loreto sa gipahigayon nga Saedow Tu Naliyagan Theatrical competition kagahapong adlawa nga gisalmotan sa 12 ka mga lungsod sa Agusan Del Sur.
Tungod niini, nadawat sa lungsod sa Loreto ang cash prize nga muabot sa 500-mil pesos og ang 1.5 Milyones pesos nga kantidad sa proyekto. Gawas sa pag kampeon kini usab ang nadeklarang Best in Costume diin nadawat ang ganti nga 50-mil pesos. Samtang nakuha sa lungsod sa Sibagat ang Best in Musicality nga dunay 50-mil pesos nga premyo.
Lakip sa mananaog sa Saedow Tu Naliyagan Theatrical competition ang La Paz isip 1st runner up nga dunay ganting 300-mil pesos og uno milyones pesos nga kantidad sa proyekto. Samtang 2nd runner up usab ang lungsod sa Sibagat nga nakadawar og 150-mil pesos og 750-mil pesos nga kantidad sa proyekto.
Ang Saedow Tu Naliyagan Theatrical competition o mas nailang Naliyagan Street Dancing gipahigayon sa Datu Lipus Makapandung Sports Complex isip kabahin sa pagsaulog sa 31st Naliyagan Festival og 56th Founding Anniversary sa Probinsiya sa Agusan del Sur.
