BUTUAN CITY – Hingpit nang gibuksan dinhi sa dakbayan sa Butuan niadtong Perero 9 ang buhatan sa International Committee of the Red Cross kon ICRC-Butuan.
Sa eksklusibong pakighinabi sa Bombo Radyo Butuan, gibutyag ni Melrick Lucero, tigpamaba sa ICRC-Butuan nga mandatu nila nga matabangan ug maprotektahan ang mga biktima sa giyera ug masiguro nga masunod sa duha ka nagbanging panig ang internasyunal nga balaud sa giyera.
Giklaro pa niini nga cover sa ilang operasyon sa tibuok Caraga Region ug tungod sa ilang buhatan dinhi sa Butuan, mas paspas na unya ang ilang pagdalikyat sa mga komunidad nga nanginahanglan sa ilang serbisyo.
Kini sukwahi kaniadtong na-cover pa ang Caraga sa ilang buhatan sa Davao City dungan sa pagbutyag nga duna sila’y nagkada-iyang departamento nga maoy mututok sa panginahanglanon sa mga biktima sa giyera.
