BUTUAN CITY – Nabitbit sa delegado gikan sa siyudad sa Butuan ang tulo ka medalya sa giapilang Batang Pinoy 2022 National Championships sa sa Vigan City Ilocos Sur.
Sa gihimong closing ceremony kagahapong adlawa, nasakmit sa mga Butuanong atleta ang duha ka silver nga gikan sa dulang table tennis pinaagi ni Angela Marianito og chess nga nakuha ni Cherie Gail Hewe lakip na ang bronze gikan usab sa chess pinaagi ni Kim Dumanillo.
Sigon ni Butuan City Sports Coordinator Joel Ramira, dili ti-aw ang gi-agi-an sa mga atleta ning siyudad ilabina kay mga first timer kini sa maong kompetisyon gawas lang sa silver medalist sa table tennis nga si Angela Marianito.
Sumala ni Ramira, daghang mga dula ang agi-an sa maong mga magdudula adiser naka-abot sa quarter finals diin ang ubang mga lugar ilabina ang dool sa venue, nakapadala og daghang mga atleta tungod kay wala may gihimong regional qualifying sa Batang Pinoy 2022.
Gipa-ambit pa sa opisyal ang championship round ni Angela Marianito diin ang naka-agbat niini ang atleta gikan sa Ateneo kinsa nakadula na sa Thailand bitbit ang bandila sa Pilipinas.
Apan bisan paman niini, gihatagan siya’g maayong dula sa Butuanon diin pila ka higayon usab sila nga nag-slide two.
Alayon niini, paningkamotan ni Ramira nga makahimo og courtesy call ang mga medalists sa Sangguniang Panlungsod samtang segurado na usab ang pinansiyal nga insentibo.
