BUTUAN CITY – I-verify pa sa komite sa Butuan City Jail kung kinsa nga indibidwal o kaha grupo angayang ihatag ang sien-mil pesos nga reward money nga gipatong sa maong jail facility batuk sa eskapo nga si Romulo Cadampog human kini misurender ngadto sa Bukidnon Police Provincial Office kagahapong adlawa.
Sa eksklusibong pakighinabi sa Bombo Radyo Butuan, gipadayag ni Butuan City Jail spokesperson JO1 Regine Villarias nga tumubukon pa kung kinsa ang duna’y dakong papel nga misangpot sa pagsurender ni Cadampog kondiin apil sa tumbukon ang pamilya sa eskapo didto sa Bukidnon, kapulisan, apil na ang mga hingtungdang jail personnel.
Kini tungod kay ila man gayong ihatag ang reward money nga ilang gi-amut amutan mismong mga personahe alang sa daling pagkasikop ni Cadampog.
Sa pagkakaron, duna na’y gipadalang mga personahe ang ilang jail facility padulong sa Valencia City sa Bukidnon aron kuhaon si Cadampog ug ibalik sa ilang bilangguan.
Dili pa madetermina sa opisyal ang mahimong sangputan niini tungod kay hulaton pa nila nga matapos ang gilusad nga imbestigasyon kalabot sa iyang pagsibat.
