BUTUAN CITY – Miresulta sa kamatayon sa usa ka suspek ang natigayong pagpanulis human misukol ang ilang gibiktima pasado alas 9:00 sa nakalabay’ nga gabii sa may Purok-4, Barangay Doña Rosario sa lungsod sa Tubay, Agusan Del Norte.
Naila ang namatay nga suspek nga si Renelito Orlandez, 50-anyos nga taga Davao City samtang dakpan usab ang iyang kauban nga si Michael Rayon, 34-anyos nga residente sa Mahinog, Camiguin og dunay usa pa nga padayong gipangeta.
Sumala ni Police Lt. Honorio Campos, spokesperson sa Agusan Del Norte Police Provincial Office nga bitbit sa mga suspetsado ang .38 nga kalibre sa pistola sa dihang gitulis nila ang usa ka si Lilia Bardinas, 52-anyos samtang kini anaa lang gawas sa ilang panimalay.
Gilabni sa suspek ang cellphone sa biktima og gipangayoan og kwarta. Nakahimo sa pagsing-git ang biktima rasong migawas ang omagad niining lalaki nga giti-onan usab sa suspek apan nakahimo pagdagan balik sa sulod sa panimalay og mikuha sa iyang punto 45 nga pistola nga lisensiyado rason sa natigayong pinusilay.
Nasayrang miyembro sa Philippine Practical Shooters Association ang nakapinusilay sa suspek og napatay ang usa sa mga niini samtang misibat ang laing duha.
Sa gihimong hot pursuit operation, nadakpan ang usa ka suspek kagahapon sa kaadlawon samtang padayong gipangeta ang kaubanan niini. Nasayran nga kanhe mga piniriso ang duha sa suspek sa Davao Prison and Penal Farm diin gipapuyo sa ikatulong suspek sa maong lugar aron mohimo og kremin. Nakuha gikan sa posisyon sa mga suspek ang daghang cellhone, duha ka kutsilyo, og certificate of discharge gikan sa prisuhan.
Ang nasangpit nga mga suspek usab ang gitoohang maoy mihimo og pagpanghold-up sa bus niadtong Domingo og pagpamara sa single motor sa nakalabay lang nga adlaw diin ila pa kining gipusil tungod sa pagpakusog og dagan nga natigayon sa susamang barangay.
