BUTUAN CITY – Padayon ang hot pursuit operation sa kapulisan batuk sa suspetsado nga mipusil patay sa usa ka negosyante kagahapon sa alas 5:55 sa hapon sa may Purok 7, Barangay San Juan, Surigao City.
Naila ang biktima nga si Roy Gupit Radin ,42-anyos, usa ka fish vendor nga residente sa Purok 12, Barangay San Juan, Surigao City. Sigon ni Police Colonel Diomedes Cuadra, Chief of Police sa Surigao City Police Station, dali silang miresponde sa tawag may kalabutan sa pagpamusil.
Na-abtan nila ang biktima nga nagkadugo rasong daling gidala sa ospital apan gideklarang dead-on-arrival sa attending physician nga si Dr. Jayson Mendiola Pauig.
Sa inisyal nga imbestigasyon, samtang namili og isda ang biktima alang sa panihapon diha sa stall diin namaligya sila og isda, sa dihang dunay usa ka lalaki, nga nagsoot og itom nga jacket ang kalit nga mitunga og mibunot sa iyang dalang pistola ug gipusil ang biktima sa makaduha ka higayon nga miigo sa uloog dughan.
Human niini, daling misibat ang suspek sakay sa usa ka single motor. Narekober sa otoridad ang tulo ka basyo sa bala sa kalibre 45 nga pistola.
Sa karun, padayon pa ang imbestigasyon sa kapulisan aron masuta ang motibo og posibleng mailhan og madakpan ang suspetsado.
