BUTUAN CITY – Gitaho sa Department of Health nga wala pa natumbok sa Pilipinas ang bag-ong Omicron subvariant XBB kansa mao ang recombinant sa BJ.1 ug BM.1.1.1.
Sa mga preliminary studies, gibutyag sa buhatan nga ang “sublineage nagpakita og mas taas nga kapasidad sa paglikay sa immune kaysa sa BA.5.”
Ang DOH, kauban ang lokal nga sequencing facility, padayon nga nagpahigayon og surveillance aron masundan ang pag-import sa maong variant ug uban pang mga mitumaw nga sub-variant sa SARS-CoV-2.
Base sa website sa World Health Organization, ang mga subvariant sa Omicron nga gimonitor niadtong Oktubre 12, mao ang BA.5, BA.2.75, BJ.1, BA.4.6, XBB, ug BA.2.3.20.
Una nang gibutyag sa Ministry of Health sa Singapore nga ang city-state nakasinati og pagtaas sa mga lokal nga kaso tungod sa XBB.
