BUTUAN CITY – Gi-andam na ang mga kasong ipasaka batuk sa tulo ka mga drug personalities human ang malamusong anti-illegal drug operations nga gipahigayon pasado alas-11:40 kagabii sa P-1, Barangay Ong Yiu ning siyudad sa Butuan.
Ang nadakpang si Rodulfo Mantella Llemit Alias Don-don, 48-anyos, duna’y live-in partner, panday ug residente sa maong lugar, gi-categorize nga high value individual.
Nasayrang nadakpan na siya niadtong 2015 tungod sa paglapas sa Republic Act 9165 ug nahukmang guilty kondiin gipahamtangan siya og unom ka blan nga rehabilitasyon niadtong 2016, High Value Individual (HVI).
Nadakpan usab sa oprasyon ang managsoong sila Charlie Flores Penaso, 38-any os, security guard ug si Cristopher Flores Penaso, 33-anyos, parehong security guard ug residente sa Barangay Triangulo, Nasipit, Agusan del Norte.
Nakuha gikan kanila ang usa ka card wallet; 11 ka transparent plastic sachets nga duna’y sulod nga gitu-uhang shabu ug gibana-banang mitimbang og 2-gramos kansa gibana-banang nagkantidad og 12, 800-pesos.
Apil sa nakuha ang usa ka set sa drug paraphernalia nga gilangkuban sa bamboo seller, improvised gutter foil, tooter, pipila ka ginamit na nga aluminum foil, improvised needle foil ug dispossable lighter nga wala’y flame guard; girolyong aluminum foil ug mga ginamit na usab nga foil.
Gikostudiya na sa Btuan City Police Office-City Drug Enforcement Agency ang mga suspek alang sa dokumentasyon ug pagpasaka na og tukmang mga kaso.
