BUTUAN CITY – Gipanawagan karon sa mga otoridad kung kinsa kadtong nawad-an og kabanay nga lalaki niadtong tuig 2017 nga makig-alayon sa mga otoridad human nga malampusong nakabot sa mga sakop sa Special Action Company sa Philippine National Police -Special action Force kon PNP-SAF sa bukirang parte sa Las Nieves, Agusan Del Norte ang kalabera sa gipatay sa mga rebelding New People’s Army kon NPA sa maong tuig.
Sigon sa kanhi rebeldeng NPA nga si alyas Ka Lids, gipadakop matud pa kanila ang biktima gila lang nga si alyas Gelo, taga-San Francisco, Agusan Del Sur human gidudahang military asset tungod kay nagpaka-aron ingnon matud pa kining nalisoan sa maayong pangisip og magsunod-sunod sa ilang grupo.
Sa dihang nadisesyuan kining patyon, gitaptapan nila ang mga mata niini og giba-atan ang baba adiser giluba-luba og gilubong.
Sa eksklusibong pakighinabi sa Bombo Radyo Butuan, gipadayag ni Police Capt. Katalan Jeff Sugguiyao, commanding Officer sa Special Action company, nga gibulgar usab sa kanhi rebelde nga si Ka Lids ang nahimutangan sa lima ka mga Improvised Explosives Device kon IED nga gipangtanom sa maong lugar kondiin lakip sa narekober ang 50-metros nga wires og blasting caps.
Sumala ni Police Captain Sugguiyao, mubuto pa ang mga nasangpit nga IED.
