BUTUAN CITY – Duha ka semanang isira sa kagamhanan sa Australia ang ilang parliamento kansa gisugdan pagpatuman kaganina ni Prime Minister Antony Albanese isip kabahin sa napulo ka adlaw nga pagbangutan sa mga nasud nga sakop sa Commonwealth Realm.
Apil sa mga nasud nga nasakop sa Comonwealth ang Canada, New Zealand, Antigua and Barbuda, Bahamas, Belize, Grenada, Jamaica, Papua New Guinea, Saint Kitts and Nevis, Saint Lucia, St Vincent and the Greandines, Solomon Islands, Tuvalu ug mismong United Kingdom.
Sa eksklusibong pakighinabi sa Bombo Radyo Butuan, gipadayag ni Bombo international correspondent Denmark Suede nga kini isip timaan sa ilang pagkamatay ni Queen Elizabeth.
Gawas niini, duna’y gihimong 96 ka gun salute sayo sa alas-sais sa buntag sa parliament house sa Canberra kondiin ang matag-buto, timaan sa kada-tuig sa iyang pangidaron.
Ang tanang mga Australian flags usab nga anaa sa mga government centers naka-half mast ug karong pipila ka mga adlaw, mulupad padulong sa London si Albanese uban sa usa ka taas pa nga opisyal sa Australia aron makigkita sa maproklama na unyang si Prince Charles III.
