BUTUAN CITY – Hustisya ang singgit sa pamilya Apat sa Brgy. Taligaman ning siyudad sa Butuan human brutal nga gipatay kaganinang alas-onse sa buntag ang 9-anyos nga batang babayeng gitago lang sa pangalang Inday, residente sa Purok 3 sa maong barangay.
Sa eksklusibong pakighinabi sa Bombo Radyo Butuan, gipadayag sa amahan niining si Almirante Apat nga adiser siya namaligya og isda, nasayran niyang padulong sa Taligaman Elementary School ang iyang kinamaguwangang anak alang sa pag-apil sa Brigada Pagbasa ug dihang naka-uli na, nakigdula matud pa kini sa ubang mga bata.
Dako na lang ang iyang kakurat dihang sa iyang pagpa-uli, ang ngilngig nga nadangatan na sa iyang anak ang misugat kaniya.
Blangko siya sa mihimo sa kremin tungod kay wala matud pa sila’y kaaway sa maong lugar.
Base sa pagsusi sa patay’ng lawas sa biktima, duna kini dako nga samad-tinigbasan sa luyo sa iyang ulo ingon man kilid sa iyang tuong bahin sa ulo hinungdan sa pagka-ukab sa bagol-bagol niini.
Padayon karong gilusad ang manhunt operation batuk sa wala pa mailang suspetsado human gibutyag sa pipila ka mga residente nga duna’y lalaking nakasuotog yellow t-shirt nga migawas sa dapit nahitabuan adiser napalgan ang patay’ng lawas sa biktima.
