BUTUAN CITY – Gitumbok ang faulty wiring nga maoy nakita nga hinungdan sa nahitabong sunog sa usa ka commercial building sa nakalabay nga alas 7:10 sa gabii sa Libres St., Brgy. Taglatawan, Bayugan City, Agusan Del surnga milamoy sa 10 ka establsiyemento.
Sigon ni fire inspector John Kevin Serva sa Bureau of Fire Protection kon BFP Bayugan City, nagpadayon karun ang imbvestigasyon sa maong sunog apan sa inisyal nga pakisusi, faulty wiring ang nahimong hinungdan sa pagkasunog sa Davao House Cycle Incorporated (DHCI); Solane LPG; Bakeshop; Acinas Motorparts; Country Fried Chicken; JTY Trading; Baylon Optical Clinic; Cycle Line; Used Clotting og Jejap Cakes and Pastries.
Sumala matud pa ni Inspector Serva, gibanabanang muabot sa 1.6 milyones ang damyos sa commercial building nga gipanag-iya ni Janabel Inaya Carpinteros.
Ang sunog ang paspas nga mikaylap tungod ang maong establisyemento gama sa light materials ug gibanabana nga 30 anyos na sa kadugayon.
Pinaagi sa concerned citizen, abtik nga narespondehan ang insidente sa Bureau of Fire Bayugan City kauban ang pipila ka mga ahensya sama sa BFP Esperanza, Sibagat ug Prosperidad, CDDRMO Agusan Del Sur nga nakabase sa Patin-ay ug Agusan Filipino-Chinese Volunteer Fire Brigade.
Miabot sa 10 ka fire truck ang nagtinabangay sa sunog nga gibutang sa ikatulong arma. Pasado alas 8:05 sa gabii kin gideklarang under control na samtang fire out sa alas 8:45 sa gabii.
Gikumpirma usab ni fire inspector John Kevin Serva nga Walay na-angol sa maong hitabo samtang malampuson usab nilang naprotektahan ang kasikbit nga mga dakbalay.
Sumala sa datos sa BFP bayugan ang maong establisyemento ang compliance sa safety requirements.
