BUTUAN CITY – Blangko pa gihapon ang pamilyang Kaantig sa rason sa pagpakamatay sa 17-anyos nilang kabanay kagahapon sa Purok-8 Malalag, Barangay Libertad, Butuan City.
Nasayrang mga alas 10:00 sa buntag nakaplagan nalang nga wala nay kinabuhi samtang nagbitay sa punuan sa mangga ang biktimang si Marneil Kaantig, 17-anyos residente sa maong dapit.
Base sa amahan sa biktima nga anang gabii namatikdan niyang daw dunay problema ang anak apan wala lang kini gipanumbaling tungod kay wala may ilang nasinatian nga problema.
Nabantayan nalang nga wala kini makita anang kaadlawon hangtud nga nakit-an nalang nagbitay sa punuan sa mangga, mga 29 metros ang gelay-on gikan sa panimalay. Hilabihan kakurat usab ang mga silinangan niini tungod kay wala may timailhan nga dunay problema ang biktima.
