BUTUAN CITY – Malampusong nasikop dinhe sa rehiyon sa Caraga ang magsoon nga top most wanted persons sa Ozamiz City.
Kini human ang gilusad nga operasyon kagahapon sa buntag sa may Purok 4, Bayugan 3, Rosario, Agusan Del Sur sa hiniusang ginsakpan gikan sa Agusan del Sur Police Provincial Office – Provincial Intelligence Unit, 1st ADSPPO Provincial Mobile Force Company, Regional Special Operations Unit 10 og Ozamiz City Police Station.
Naila ang mga nadakpan nga sila Dionesio de Los Santos Tapayan, 54-anyos og Reymundo de Los Santos Tapayan, 48-anyos ang number one ug number two most wanted persons.
Gisikop ang mga niini pinaagi sa warrant of arrest sa kasong Murder ilalom sa Criminal Case Number 3906 nga gi-isyu sa Regional Trial Court, 10th Judicial Region, Branch 15, Ozamis City, Misamis Occidental, diin walay piyansa nga girekomenda.
Base sa imbestigasyon, ang mga suspetsado dunay naka-awag nga usa ka lalaki, legal ang pangedaron samtang langol ang mga niini sa ilimnong makahubog diin giluba-patay sa mga suspek ang biktima niadtong Oktobre 3, 2004 sa Brgy. Capucao Proper, Ozamis City.
