BUTUAN CITY – Nakabawi ang Golden State Warriors human gipildi ang Boston Celtics kaganina sa Game 4 sa NBA Finals hinungdan nga tabla na ang seryes sa kartadang 2-2. Mi-score ang Boston Celtics og 3-puntos sa katapusang 7:32 sa Game 4, apan ang mga Splash Brothers mitala og maayong fourth-quarter performance hinungdan nga natabla anng kartada sa NBA Finals alang sa Golden State Warriors.
Mitala og 43-puntos si Stephen Curry sa kada-ugan sa Warriors sa score nga 107-97 rason nga nakuha gikan sa Celtics ang golden opportunity aron unta manguna sa serye.
Nagdugang si Klay Thompson og walo sa iyang 18-puntos sa fourth quarter, apil na ang usa ka 3-pointer nga maoy naghatag sa Warriors og 95-94 lead sa final four minutes.
Nakadugang usab si Andrew Wiggins og 17-puntos ug 16 ka rebounds alang sa Golden State.
Samtang sa Celtics, si Jayson Tatum mikamada og 23-puntos nga naduugangan sa 21-puntos ni Jaylen Brown sa 19 ka mga shots, ug nadugangan pa sa 18-puntos ni Marcus Smart samtang 18 usab ang nasayang.
Himuon ang game 5 balik ngadto sa San Francisco as Game 5 karong Martes sa Chase Center.
