BUTUAN CITY – Gi-anunsiyo sa Department of Labor and Employment kon DOLE nga na-aprubahan na sa Regional Tripartite Wages and Productivity Boards ang minimum nga suhulan sa rehiyon sa Caraga.
Muabot sa 30 pesos ang madugang sa kada adlaw nga suhulan sa Caraga rasong gikan sa 320 pesos, karun muabot na kini sa 350 pesos.
Sigon ni DOLE Sec. Silvestre Bello III nga ang daily minimum wage rate nga 350 pesos mahimong ipatuman ugaling epektibo na ang wage order sa mga pribadong establishemento og ilang mga trabahante sa Butuan City og probinsiya sa Agusan Del Norte, Agusan Del Sur og Surigao Del Sur.
Samtang sa probinsiya sa Dinagat island og Surigao Del Norte lakip na ang Siargao Island, muabot sa 20 pesos ang ipatuman nga dugang suhulan ugaling mahimong epektibo ang wage order og ang laing 10 pesos ipatuman karung Setyembre 1, 2022. Ang bag-ong wage orders mahimong epektibo 15 ka adlaw human mamantala kini dinhe sa rehiyon sa Caraga.
Nasayran nga lakip sa gi-anunsiyoa sa DOLE ang dugang suhulan sa National capital region nga muabot sa 33 pesos matag adlaw samtang 55 pesos ngadto sa 110 pesos usab sa Western Visayas.
