Pagbali sa sworn statement ni Kerwin Espinosa, gikalipay sa kampo ni Sen Leila de Lima – Tom Villarin

BUTUAN CITY – Gikalipay sa kampo ni Senadora Leila de Lima ang pagbakwi na ni self-confessed drug lord Kerwin Espinosa  sa iyang gipanumpaang pamahayag batuk sa senadora.

Sa eksklusibong pakighinabi sa Bombo Radyo Butuan, gipadayag sa focal person sa senadora nga si kanhi Congressman Tom Villarin nga ang gihimo ni Espinosa, pamatuod lamang matud pa nga ang mga kasong gipasaka batuk sa senadora, mga hinimo-himo lang ilabina nga gipugos lang matud pa kini sa kapulisan sa iyang naha-unang pamahayag.

Gani, gidugang pa ni Villarin nga ang tanang mga kasong gipasaka batuk sa senadora sa tanang korte sa nasud, pulos wala’y ebidensya rason nga misamot karon ang ilang mga panawagang i-dismiss na kini.