BUTUAN CITY – Upat ang angol sa mga membro sa Manobo-Pulangiyon tribe ug mga ka-ubanan ni presidential candidate Ka Leody De Guzman sa pagpamusil sa matud pa, mga private armies ni Quezon, Bukidnon Mayor Pablo Lorenzo III pasado alas-11:30 kaganinang buntag sa Barangay Botong, Quezon, Bukidnon.
Sigon ni De Guzman sa eksklusibong interview sa Bombo Radyo Koronadal, apil sa na-angol ang katapad niyang si Ka Nanie ug mga Mano tribe nga sila Datu Arroyo, usa ka ginganlan og Ager ug Robert Nabatian.
Nahitabo ang pagpamusil kanila dihang nagsugod na unta pagpabarog sa ilang mga balay ang mga Manobo sa apat ka ektaryang yuta nga gi-angkon matud pa ni Mayor Lorenzo.
Ang maong yuta kabahon sa 900 ektaryang ancestral domain sa mga Manobo nga gikuha matud pa sa mayor.
Tuig 2018 pa dihang nahatagan og certificate of land ownership award kon CLOA sa National Commission on Indigenous People kon NCIP-Central Office ang mga Manobo isip pamatuod nga sila na ang nanag-iya sa maong mga luna apan wala gihapon nila kini ma-angkon hangtud karon.
Gusto na matud pa sa mga tribo nga mubalhin sa bakanteng luna apan wala mutugot ang mga private armies sa mayor nga miresulta sa pagpamusil.
Gitin-aw usab ni De Guzman nga midalikyat siya sa maong lugar aron paminawon ang yangungo sa mga tribong biktima sa land grabbing sa maong mayor.
Sa pagkakaron, atua sa emergency hospital sa Maramag Bukidnon si De Guzman apil ang upat nga na-angol sa maong pagpamusil.
