BUTUAN CITY – Nanguna ang Bongbong Marcos-Sarah Carpio tandem sa mga paboritong mudaog dinhi sa dakbayan sa Butuan kung himuon ang eleksyon ning adlawa.
Kini base na usab sa survey marathon nga gihimo sa Bombo Radyo kaganina sa mga Butuanon nga nakuhaan sa ilang pulso kalabot sa paboran nilang mahimong presidente ug besi presidente sa nasud.
Sa 31 ka mga tawong on-the-spot nga gipulsuhan ning sibyahan kalabot sa gusto nilang botaran, siyam ang mipili kang Bongbong Marcos isip presidente samtang tulo usab ang mipili kang Pacman, usa kang Vice President Leni Robredo samtang upat ang wala pa makadesisyon.
Sa pagka-besi presidente usab, nanguna si Davao City Mayor Inday Sara Duterte Carpio nga duna’y 12 nga pabor samtang tag-usa usab sila Senate President Tito Sotto ug Dr. Willie Ong.
Sigon ni Frank Bubong nga taga-brgy. San Vicente ning siyudad, alang kaniya si Senador Manny Pacquiao ang iyang botaran tungod kay suhito kini sa kinabuhi sa mga kabus tungod kay sa kabus kini gikan rason nga sigurado siyang anaa sa mga kabus ang kasing-kasing niini.
Samtang si Sara Duterte-Carpio usab ang iyang pili-ong besi-presidente.
