BUTUAN CITY – Gidugok sa mga Butuanon ang gipahigayon special recruitment activity sa Public Employment Services Office kon PESO sa basement sa Butuan City Hall nga gisugdan kaganinang buntag ug milungtad hangtud kaganinang alas 4:00 sa hapon.
Inubanan kini sa pakigtambayayong sa Philippine Overseas Employment Administration (POEA) ug sa Zontar Manpower Services Inc. kondiin apil sa na-aplayang trabaho ang magtutudlo, domestic worker, care worker, laborer, ug uban pa padulong sa Singapore, Kuwait, Saudi Arabia, Japan, Qatar, ug Malaysia.
Gihimo ang face to face interview sa recruitment site o sa City Hall alang sa mga mu-apply pagka-domestic helper.
Ang mga skilled workers mi-adto pa sa site aron mahibalo sa mga requirements ug submission of applications adiser sila ma-interview via Zoom sa principals nga mu-hire kanila.
Kini nga aktibidad hugot nga gisuportahan sa city government ug gilauman nga makatabang sa mga Butuanon nga gusto motrabaho sa laing mga nasod.
