BUTUAN CITY- Nanawagan ang lokal nga panggamhan ning syudad sa Butuan ngadto sa mga residente nga dili na maglisod ang mga niini sa pagpatupok og bakuna kontra COVID-19 tungod kay giplastar na sa gobyerno ang nagkadaiyang mobile vaccination team nga ipakatag sa tagsa-tagsa ka barangay ning dakbayan.
Gipagawas na usab ang opisyal nga iskedyul alang ning semanaha nga sugdan ugmang adlawa sa lugar sa Anticala, Aupagan, Lemon, Bancasi, Nobyembre 24 sa lugar sa Mandamo, Maguinda, Bit-os, Pinamanculan, Doongan, Nobyembre 25 sa barangay sa Bugsukan, Tiniwisan, Taguibo, Limaha, Lumbocan samtang sa Nobyembre 26 sa barangay Sumile, Taguibo, Bitan-agan, Masao, Ambago.
Gi-aghat sa lokal nga panggamahan ang mga residente nga dili na magduha-duha sa pagpatupok og bakuna kontra COVID-19 tungod kay dili na maglisod ang mga niini nga muadto pa sa syudad ug sayon na lang ang pagpabakuna.
