BUTUAN CITY – Padayong pang gipanubayan sa Butuan City Police Station 1 (BCPS 1) ang nahitabong tulis ning mi-aging alas-4:20 sa hapon sa may Brgy. Imadejas ning dakabayan.
Naila ang biktima nga usa ka Chinese national nga kasamtangan nagpuyo sa Kitcharao, Agusan del Norte kansang dunay negosyo ug mi-anhi ning dakbayan alang sa pag-withdraw sa kwarta ug gikaingong padulong na kini pauli dihang natigayong ang insidente.
Base sa inisyal nga report sa BCPS 1 sa eksklusibong pakighinabi kang PMaj. Risa Torotoro ning sibyahan nga gi-monitor pa nila ang CCTV footage sa usa ka area duol sa nahitaboan sa pagklaro sa mga dagway sa mga suspek lakip na ang plate number sa gigamit nga sakyanan.
Nanawagan usab kini sa mga duol nga establisyemento nga ihatag ang kopya sa ilang CCTV footage sa maong hitabo sa ingon mas maklaro pa ang dagway sa mga responsable.
