BUTUAN CITY– Gipasabot sa Commission on Elections (COMELEC) ang proseso sa pag-withdraw sa Certificate of Candidacy (COC).
Sumala ni Atty. Ernie Palanan provincial election officer sa Surigao del Sur sa pakigihinabi sa Bombo Radyo, ang mga kandidato mismo ang personal nga magpasa og ilang statement of withdrawal.
Sigon niini tugutan lamang ang usa ka representante ang magpasa niini kung mismong kandidato ang anaa sa usa ka lugar nga naka-lockdown o critical area; positibo sa COVID-19; ug close contact sa usa ka COVID-19 positive patient.
Dugang ni Atty. Palanan mahimo lamang ang pag-withdraw ug subsitution sa usa ka kandidato kung anaa sila sa pareho partido.
Kung independent usab ang kandidato walay subsitution nga mahitabo apan pwede gihapon kining maka-withdraw sa iyang COC.
Samtang sa ika-pitong adlaw sa COC filing kagahapong adlawa, nakalista na ang Comelec-Surigao del Sur og 2 ka aspiring Congressman, 1 ka Governor, 3 ka Vice-Governor, 13 ka SB-Member, 44 ka Mayor, 42 ka Vice -Mayor ug 349 ka mga Sangguniang Bayan.
Karon na ang katapusang adlaw sa pagduso og COC alang sa tanang mga mukandidato sa 2022 national ug local elections.
