BUTUAN CITY – Gihingusgan sa Butuan City Agriculture’s Office nga makab-ot nila ang 80% nga mechanization program alang sa mga mag-uuma sa umalabot nga lima ka mga tuig.
Sa pagkakaron, ang farm mechanization program anaa pa sa 40-porsientong napatuman hinungdan nga matag-tuig, maggahin ang maong buhatan og pundo alang sa mga gamitong makinarya.
Uban kini sa pag-abag sa Deparmtent of Agriculture (DA) ug Bureau of Fisheries and Acquatic Reosurces (BFAR) aron mahimong mas sayon na unya alang sa mga mag-uuma ug mangisdaay sa pagpadako sa ilang kita.
Ang pag-adoptar sa mga mag-uuma sa farm mechanization program sa dakbayan miresulta na sa pagtaas sa ilang produksyon ug de-kalidad nga produktong pang-agrikultura nga duna matud pa’y kakapas nga maka-kompetensya sa ubang dapit. Nasayrang ang gigamit sa Comprehensive Land Use Plan (CLAP) mukabat 81-ektarya apan sa 27 ka ektarya pa lamang ang nagamit alang sa mga produktong pang-uma.
