BUTUAN CITY- Ipailalom sa granular lockdown sugod karung adlawa hangtod sa Septembre 2 ang Barangay Poblacion, Loreto Agusan del Sur human nakatala og daghang mga bag-ong aktibong kaso.
Sa gipahigayong panagtagbo kagahapon sa Task Force sa maong munisipalidad, ilang gihisgutan ang posibleng solusyon base na sa gipagawas nga Executive Order No. 94 sa mayor.
Nasayrang taliwa sa hugot pagpatuman sa istriktong protocols sa LGU-Loreto, paspas gihapong misaka ang ihap sa mga bag-ong COVID-19 cases sa Barangay Poblacion kansa usa ka maka-alarmang sitwasyon. Lakip sa ilang gipatumang lakang ang pagpahigayon sa mass rapid testing aron mapugngan ang pagkaylap sa virus.
Nasayrang taliwa sa hugot pagpatuman sa istriktong protocols sa LGU-Loreto, paspas gihapong misaka ang ihap sa mga bag-ong COVID-19 cases sa Barangay Poblacion kansa usa ka maka-alarmang sitwasyon. Lakip sa ilang gipatumang lakang ang pagpahigayon sa mass rapid testing aron mapugngan ang pagkaylap sa virus.
Sulod sa 14 ka adlaw nga pagpatuman sa granular lockdown, himoon gilayon ang surveilance, risk assessment, contact tracing, ug disinfection ug mandatory usab nga mupa-ilalom sa Home Quarantine ang tanang residente sa Brgy Poblacion gawas lamang niadtong dunay dinali-ang medical emergencies, Authorized Persons Outside Residence kon APOR uban sa pagpakita sa valid I.D isip pamatuod sa ilang employment.
Samtang ipatuman usab sa maong barangay ang tanang guidelines nga anaa sulod sa Enhanced Community Quarantine kon ECQ.
Sa kasamtangan, gi-abisuhan na usab ang tanang kapulisan sa maong lungsod nga sulod sa 14 ka adlaw nga granular lockdown, walay bisan usa ka tawo ang makasulod-gawas sa maong barangay.
