BUTUAN CITY – Mapasalamaton ang representante sa Caraga Region partikular sa lungsod sa La Paz, Agusan del Sur alang sa Miss Universe Philippines 2021 nga si Hershey Gail Dacera tungod kay nalakip kini sa gipili-ang Top 75 nga mga kandidatang gipilian gikan sa Top 100.
Tumang kalipay ang gibati sa dalagang gikan sa tribung Manobo tungod kay inanay na niyang nakab-ot ang iyang gitinguhang makab-ot ang dugay na niyang gidamgong korona alang sa Pilipinas ilabina nga garbo kini sa Caraga Region.
Gipasalamatan usab niini ang tanang niyang mga supporters ilabina ang iyang mga ka-tribu nga mibotar aron siya malakip sa Top 75 candidates.
Iyang gibutyag nga mismong ang iyang gigikanang tribu ug nadak-ang kultura ang nag-inspire kaniya aron himoon ang tanan niyang makaya sa ingon makuha ang korona alang sa Miss Universe Philippine pageant.
