BUTUAN CITY- Gi-alerto karon sa Police Regional Office sa Caraga (PRO-13) ang mga sakop niini human ang hulga sa mga miembro sa New People’s Army nga muatake sa mga presinto ug bisan sa ilang panimalay.
Sa pamahayag ni PRO-13 Director Brig. Gen. Romeo Caramat Jr., dili dapat magkampante ang mga pulis sa rehiyon aron dili sila malusutan sa mga rebeldeng nag-operate sa lugar ug sa mga kasikbit nga lungsod.
Una na usab nagpakanaog og susamang kamanduan si Philippine National Police (PNP) Chief Police Gen. Guillermo Eleazar diin iyang gitandi ang mga nakalabay nga pag-atake sa walhong grupo partikular na sa Masbate ug Surigao del Norte aron ipakita matod pa nga buo pa gihapon sila ug gamhanan apan sa maong pagtake sa maong mga lugar nadamay ang mga sibilyan.
Sumala kang Brig. Gen. Caramat Ang susama matod pa nga pagpanghulga ug planong pagatake sa mga rebelde nagpakita nga hinay na ang ilang puwersa.
Gusto lang matod pa nila pagawson nga kusog pa ang ilang pwersa , apan sa tinuod hapit na ang katapusan sa NPA tungod na usab matod pa sa kadaghang na-neutralize sa mga pulis ug sundalo, kauban ang kadtong mga mitahan sa gobyerno.
Giawhag usab sa opisyal ang katawhan nga gilayong ipahibalo ang bisan -unsang impormasyon may kalabutan sa presensya sa mga teroristang rebeldeng sa ilang mga komunidad.
