BUTUAN CITY- Nakatakdang ipailalom sulod sa usa ka semana nga Modified Enhance Community Quarantine (MECQ) ang syudad sa Surigao ug laing unom ka lungsod sa Surigao del Norte.
Kini human nagpagawas ang buhatan ni Surigao del Norte Gov. Francisco “Lalo” Matugas og Executive Order No. 21-023, series 2021 tungod sa mga natalang kaso sa coronavirus disease (COVID-19).
Gilangkuban ang maong mga lungsod nga mapailalom sa MECQ ang Claver, Gigaquit, General Luna, Malimono, Placer, Sison ug ang Surigao City nga magsugod sa Mayo 28, hantod Hunyo 4.
Nakalatid sa nasangpit nga EO ang subling pagbalik sa mga hugot nga restriction sama sa dili pagtugot nga makagawas ang mga nag-edad 15-anyos paubos ,65-anyos pataas, mga adunay gihambing sakit ug mga buntis.
Gibalik usab ang paggamit sa Quarantine Pass, Travel Pass ug Work Pass ingon man ang pag-ban sa mga ilimnong makahubog, mga tapok-tapok sa daghang tao.
Subli usab gibawal ang mga indorr dine-in services pag-suspenso sa face to face classes ingon man pagbalik sa curfew nga magsugod sa alas-9 sa gabie hantod sa alas-4 sa kaadlawon.
