BUTUAN CITY – Nakatala na usab og 4 ka mga bag-ong COVID-19 related deaths ang Caraga Region karong adlawa ug 135 ka mga bag-ong kaso kansa mas ubos kumpara sa 180 nga natala kagahapong adlawa.
Sa 135 ka mga bag-ong kaso, 134 ang naka-isolate samtang 89 ang mga bag-ong nakarekober.
Tungod niini, nakatala na ang rehiyon og 13,063 ka cumulative COVID-19 cases kondiin 2,144 ang padayon pang naka-isolate; 10,508 ang nakarekober ug 411 na ang kinatibuk-ang patay.
Sa mga bag-ong kaso, pinakadaghan ang natala sa Surigao City nga mi-abot sa 51 nga gisundan sa Butuan City-39; Dinagat Islands province-17; Agusan del Sur-9; Agusan del Norte-7; Bislig City-6; Surigao del Sur-5 ug Tandag City-1.
Samtang dinhi sa Butuan, nanguna ang Brgy. Libertad nga nakatala og 8 ka mga kaso nga gisundan sa Villakananga-6; tag-upat sa JP Rizal ug San Vicente; tagtulo sa Bayanihan ug Doongan; tagduha sa Brgy. Ambago ug Taguibo ug tag-usa sa Brgy. Ampayon; Baan Km 3; Datu Silongan; De Oro; Lumbocan; Maon ug Obrero.
