Grass fire ubos sa tulay Magsaysay sa Butuan City, nagpa-panic sa mga tawo

BUTUAN CITY – Nag-panic ang mga residente sa Purok 5-A ug B sa Brgy. Buhangin ning siyudad human nga paspas nga midako ang grass fire ubos lang sa tulay Magsaysan nga mugna gikan sa naghaling nga tawo sa iyang garden kaganinang udto.

Sa eksklusibong pakighinabi sa Bombo Radyo Butuan, gipadayag ni Kapitan Jun Lopez nga tungod sa ka-uga sa mga bugang ug kakusog sa hangin rason nga paspas kaayong midako ang kalayo.

Dako na lang ang ilang pasalamat nga daling naka-abot ang unom ka mga fire trucks rason nga dali kining napalong. Hinuon, wala’y na-angol sa maong insidente.