BUTUAN CITY – Pasidunggan karong Lunes sa Bureau of Fire Protection kon BFP-Caraga ang pipila sa 65 sa ilang mga personaheng napiling mga top notchers sa gipahigayong Fire Basic Recruit Course (FBRC) Pagsinagan CL 2020-03 didto sa NFTI – Satellite Campus, sa Tacurong City, Sultan Kudarat.
Sa eksklusibong pakighinabi sa Bombo Radyo Butuan, gipadayag ni regional director Sr. Supt. Fred Trajeras nga nabu-ak na usab niini ang ilang record human nakompleto nila ang training course uban sa lain pang mga BFP fire fighters sa pulo sa Mindanao, human napiling top no. 1, 4, 5 ug 8 ang pipila sa ilang mga fire fighters tungod sa ka-consistent sa ilang performance ilabina si FO1 Grazelle Melicor.
Alang sa opisyal, gigrasyahan lang gyod ang ilang buhatan nga gikan dinhi sa rehiyon ang kadaghanan sa mga anaa sa Top 10.
Kini dakong hagit kanila nga mas ayuhon pa ang ilang trabaho ilabina nga karong Abril 30, magpadala na usab sila og laing batch aron mao na usa’y ipa-ilalom sa training.
Gipasabot sa opisyal nga usa kini ka mandatory training aron ma-promote sila sa mas taas nga ranggo.
Tungod sa kalayo sa maong training center, nanghinaut ang opisyal nga makabaton sia og kaugalingong center dinhi sa rehiyon.
Sa pagkakaron, gi-quarantine na ang maong mga personahe sa Surigao City dungan sa panghinaut nga unta negatibo ang ilang resulta sa RT-PCR tests nga gipahigayon ning adlawa.
