BUTUAN CITY – Mi-abot sa 220 ka mga armas nga ila sa mga kanhi rebeldeng New People’s Army (NPA) ang giguba sa mga miyembro sa Provincial/Regional Task Force to End Local Communist Armed Conflict sa may Camp Rodriguez, Brgy. Libertad, Butuan City kagahapon.
Gilangkuban kini sa 29 ka mga M16 rifles, 14 ka mga M14 rifles; AK47 rifles-27; Garand rifles-15; shotgun-50, .22 calibre pistol-8; crew-serve weapons-7; 49 ka mga short firearms ug 6 ka mga sub-machine guns nga giguba amit ang metal circular saw.
Sigon ni Police Brigadier General Romeo Caramat, Jr., regional director sa Police Regional Office (PRO) 13, bugti sa maong gitahan nga mga armas ang immediate ug livelihood cash assistance ubos sa Enhanced Comprehensive Local Integration Program (E-CLIP) sa gobyerno.
Samtang mu-abot usab sa 2.1-milyones pesos ang nahatag na nga pundo sa gobyerno ngadto sa 11 ka mga kanhi rebelde nga nag-operate sa Agusan del Norte ug Butuan City ug mitahan na bitbit ang ilang mga armas.
Nakadawat na sila og financial ug livelihood assistance nga 65,000-pesos matag-usa.
