BUTUAN CITY – Gikan sa pipila lang ka mga bag-ong kaso sa COVID-19 ning milabay’ng mga bulan karong tuiga, karong adlawa nakatala ang Caraga Region og 132 ka mga bag-ong kaso samtang usa ang patay rason n ga 131 ang naka-isolate pa.
Hinuon gikan sa mi-aging mga kaso, nakatala ang Caraga og 30 ka mga bag-ong nakarekober hinungdan nga mi-abot na sa 7,742 ang kinatibuk-ang ihap sa mga nakarekober samtang misaka na usab ngadto sa 8,635 ang cumulative COVID-19 case ug 324 na ang patay.
Sa mga bag-ong kaso, pinakadaghan ang natala ning siyudad sa Butuan nga mi-abot sa 37; 25 sa Agusan del Norte; Agusan del Sur-21; Bislig City-14; Surigao del Sur-11; tag-pito ka mga kaso sa Tandag City ug Cabadbaran City; unom sa Surigao del Norte; Surigao City-3 ug usa sa DInagat Islands Province.
