BUTUAN CITY- Padayon pang gipangita sa kapulisan ang mga reponsable sa pagpusil-patay sa usa ka negosyante didto sa Purok 4, Tinogpahan, Sison, Surigao del Norte pasado alas 11:00 ning nakalabay nga gabie.
Naila ang biktima nga si Pio Edradan Salubre, 55 anyos ,negosyante kinsa gipusil-patay atbang lang sa iyang tindahan.
Sumala sa Sison Municipal Police Station ,nagtindog lamang samtang nanigarilyo sa atbang nga bahin sa iyang gasolinahan ang biktima dihang kalit nga dunay duha ka lalaki nga naka-bonnet ang miduol sakay sa kolor blue Mio nga motosiklo ug gipusil kini sa makadaghang higayon.
Nakaangkon kini og ubay-ubay nga samad-pinusilan sa lawas nga maoy hinungdan sa hinanali niining kamatayon.
Sa imbestigasyon, gawas nga naka-bonnet ang nag-back ride nga mga suspek nakasuot usab matod pa ang mga niini ug bull-cap ug jacket ug wala usay plate number ang gisakyan motorskilo rasong malisod ang pagpangaita sa mga niini.
Hinuon nakita matod pa ang mga nga misibat padulong sa Bad-as, Placer area ang mga suspek ug gihimo na ang pagpangita sa mga niini.
Wala pa usay gipagawas nga impormasyon ang kapulisan sa kung unsa ang motibo sa pagpatay sa maong negosyante.
