BUTUAN CITY – Atua na sa kostudiya sa Philippine Eagle Foundation (PEF) sa Davao Oriental ang naluwas nilang Philippine Eagle (Pithecophaga jefferyi) nga mitimbang og 4-kilos human nalit-agan sa usa ka grupo sa mga animal hunters niadtong Marso 18 didto sa kalasangan tali sa boundary sa Barangay Simulao, Boston, Davao Oriental ug sa Barangay Rajah Cabungsuan, Lingig, Surigao del Sur.
Sa eksklusibong pakighinabi sa Bombo Radyo Butuan, gibutyag ni Surigao del Sur- PENRO-OIC Victor Sabornido, nga ang laki nga agila nga gibana-banang nag-edad og upat ka tuig, gi-rescue sa pagpanguna ni Doctor Bayani Vandenbroek human usab nakig-alayon kanila ang nakalit-ag niini.
Nasayrang ang pagpanglit-ag og agila, makonsiderang kalapasan sa Republict Act 9147 kon mas nailang Wildlife Resources Conservation and Protection Act. Ang maong balaud, maoy mag-conserve ug magprotekta sa mga wildlife resources ug ilang mga pinuy-anan.
