BUTUAN CITY – Nagpagawas na og memorandum ang Office of the President alang ngadto sa tanang mga heads sa mga departamento, mga ahensya ug mga buhatan sa gobyerno, ingon man sa mga instrumentalities sa gobyerno, mga government-owned and controlled corporations, government financial institutions, state universities and colleges ug sa mga local government units.
May kalabutan kini sa dugang mga lakang aron mapugngan ang padayong pagsaka sa mga kaso sa COVID-19 dinhi sa nasud.
Sa eksklusibong pakighinabi sa Bombo Radyo Philippines, gipadayag ni Presidential spokesman Harry Roque nga base sa rekomendasyon sa National Inter-Agency Task Force ubos sa Resolution No. 104, mas pahugtan pa ang mga security measures dungan sa pagpa-ilalom og balik ngadto sa General Community Quarantine kon GCQ sa mga lalawigan sa Bulacan, Cavite, Laguna ug Rizal ka-uban na ana pa gihapon sa GCQ nga mga highly-urbanized cities sa National Capital Region.
Dugang ni Roque, apil sa dugang restrictions sa maong lugar niining mga panahuna ang pagpatuman sa travel bubble kon pagbawal una sa mga pagbiyahe pasulod ingon man ang paggawas sa nasangpit nga mga lugar.
Ang mga tawong makasulod-gawas lang sa maong mga lugar mao lang kadtong mga authorized persons outside residence kon APOR, mga trabahante, mga health and emergency frontline services personnel, mga government workers, ug uban pang mga trabahante sa mga government offices. Pinaagi matud pa niini, dili lang makunhuran ang ihap sa mga mataptan sa COVID-19, mas malikayan pa ang posibleng tinakdanay niini ilabina sa bag-ong variant nga kaylap na karon sa Metro Manila.
Giklaro usab niini nga bisan og gilimitahan sa nasudnong kagamhanan ang lihok sa mga tawo, apan wala’y labot niini ang mga trabahante apan kinahanglan lang nga magpakita og pruweba sa ilang pagtrabaho.
Dugang pa ni ROque, ang mga lugar nga makatala og daghang kaso sa COVID-19, dili na ipa-ilalom sa mas hugot nga quarantine restrictions kondili ipa-ilalom lang sa granular lockdown aron dili na matandog ang inanay nang gibuhi nilang ekonomiya.
