BUTUAN CITY- Gikumpirma bag-ohay lang sa Department of Health-Caraga nga duna na’y na-detect nga kaso sa B.1.1.7 variant ning rehiyon human nga ang mga samples gipadala sa University of the Philippines-Philippine Genome Center sa Department of Health alang sa Whole Genome Sequencing kon WGS, kondiin migawas nga usa ang tested positive sa B.1.1.7 variant samtang duha ang gipailalom sa imbestigasyon tungod sa dunay mutations.
Ang nakumpirmang B.1.1.7 variant sample mao ang usa ka Returning Overseas Filipino nga taga Bislig City samtang ang laing duha ka mga samples nga dunay mutations ang gipailalom sa imbestigasyon kansa mga residente sa Bislig City ug Buenavista, Agusan del Norte.
Sa karun, nagdeploy na ang Regional Epidemiology and Surveillance Unit kon RESU-Caraga alang sa mas hugot nga pag imbestiga sa uban pang detalye sa mga pasyente.
Base sa IATF guidelines, tanang hingtungdang Local Government Units kon LGUs kinahanglan nga magpa implementa og dinali-an nga quarantine ug control measures.
Kondiin ang mga kaso sa bisan unsang variant kinahanglan nga magpresenta og negatibongRT-PCR adesir mahuman ang isolation ug adesir usab ma-tag isip recovered.
Samtang ang mga kaso nga nakagawas na sa isolation kinahanglan gihapon nga mupailalom sa stricktong home quarantine samtang magpaabot sa negatibo nga resulta sa subling RT-PCR test.
Sa karon asymptomatic ang mga kaso nga bag-ohay lang na-detect samtang ang B.1.1.7 variant case usab anaa sa giilang quarantine facility sa LGU samtang ang duha pa nga kaso nakumpleto na sa 14 day nga quarantine nga walay gipakitang sintomas sa virus apan kinahanglan gihapon ang subling pag RT-PCR test.
Sa kasamtangan, nanawagan ang DOH Caraga sa publiko nga mahimong mabinantayon ug makakunayon ang pagsunod sa Minimum Public Health Standards (MPHS) ug gilayong itaho sa mga health facilities sa bisan unsa mang clustering sa kaso alang sa dinali-an, tukma nga panahon ug angay nga aksyon.
