BUTUAN CITY – Wala kaayo’y damyos nga nahatud ang bagyong Auring sa Caraga Region.
Kini ang assessment ni Pangulong Rodrigo Duterte human ang iyang gihimong aerial survey sa entiro rehiyon kagahapong adlawa adiser ang gihimong situational briefing tali sa lyang mga cabinet members didto sa Tandag City sa Surigao del Sur.
Gibutyag sa pangulo nga duna siya’y nakitang ginagmay lang nga damyos sa mga impastraktura dungan sa pagsaad nga i-repair kini sa labing daling panahon.
Ang mahinungdanon mao ang pagtunol matud pa og mga pagkaon ngadto sa mga na-apektuhan sa maong bagyo.
Dili usab matukib ang pagpasalamat ni Surigao del Sur Alexander ‘Ayec’ Pimentel sa pagbisita ni Pangulong Rodrigo Duterte ug iyang mga membro sa gabinete sa ilang lalawigan kagahapon.
Atol sa situational briefing, gipadayag sa gobernador nga dili matukib ang gibating kalipay sa mga Surigaonons sa kalit ga pagbisita sa pangulo kansa pinaka-una matud pa sa kasaysayan sa ilang lalawigan nga anaa dayon kini human gihapakog kalamidad.
Nagtuo ang gobernador nga si Senador Bong Go lang ang mubisita kanila tungod kay ingon niini matud pa ang iyang ginahimo higayong hapakon sila og kalamidad.
