Biyahe sa mga gagmay’ng sakyanang pandagat sa Surigao, gikansela na sa Coast Guard

BUTUAN CITY – Gikansela na sa Philippine Coast Guard kon PCG-Surigao del Norte ang biyahe sa tanang mga sakyanang pandagat nga mitimbang og 20-gross tonnage pa-ubos tungod sa nagkakusog na nga bagyong Auring.

Sa eksklusibong interview sa Bombo Radyo Butuan, gipadayag ni 2^nd Lt. Jeric Maglangit, hepe sa PCG-Surigao del Norte nga ilang gipakansela ang biyahe sa mga gagmay’ng sakyanang pandagat human nga nagpagawas og gale warning ang Philippine Atmospheric, Geophysical and Astronomical Services Administration kon PAGASA.

Gibutyag niining ila nang gipa-abot ang maong advisory ngadto sa mga shipping companies, apil na sa MARINA ug sa Philippine Ports Authority kon PPA.

Hinuon ang ubang mga sakyanang pandagat nga milapas sa 20-gross tonnage gitugutan pa gihapon sa pagbiyahe.