BUTUAN CITY– Sa presohan na magpaliwas og Valentines Day ug posibleng dinhi na usab maniguwang ang usa ka construction worker human masikop sa mga otoridad dihang malutsan og warrant of arrest kagahapong adlawa didto sa Brgy. Salvacion, Pilar, Surigao del Norte.
Naila ang nadakpan nga si Janel Lloyd C. Espinile, 27 anyos ,usa ka construction worker ug residene sa Barangay San Juan, San Benito sakop sa nasangpit nga probinsya.
Sumala sa taho sa Surigao del Norte Police Provincial Office responsable si Espinile sa pagpangidnap sa usa ka menor de edad didto sa Brgy. San Juan, San Benito Surigao del Norte adtong 2012 diin gikapos ang bitktima atol sa insidente.
Gibutyag usab ni Police Regional Office 13 (PRO) Director Brigadier General Romeo Caramat , JR. nga ang dinakapn nalista isip No. 5 Most Wanted Person sa Surigao del Norte.
Posibleng sa karsel na maniguwang ang dinakpan tungod kay walay pyansang girekomenda ang kasong iyang giatubang.
