BUTUAN CITY – Dakong garbo sa mga taga-Burgos, Siargao Island sa lalawigan sa Surigao del Norte human nga napili sa aktres nga si Liza Soberano nga adto magsa-ulog sa iyang ika-23 nga adlaw’ng natawhan kagahapon.
Kuyog ang iyang pamilya ug hinigugmang si Enrique Gil, didto nag-saulog ang aktres sa iyang birthday sa Pasikon Beach sa Brgy. Baybay, Burgos, Surigao del Norte.
Isip kabahin sa iyang 23rd birthday celebration, nagbakasyon ang pamilya ug gilibot ang Siargao Island.
Madumdumang niadtong Lunes lang, gibuksan na sa probinsyal nga panggamhanan ang maong isla alang sa mga gustong mubisita isip pagpakusog sa ilang tourism industry sa ingon makatabang pagpabangon sa ilang ekonomiya.
Ang mga manulod sa Siargao Islands ilabina ang mga bisita ug turista, kinahanglang magdala sa ilang mga negatibong RT-PCR results ingon man travel authority.
