BUTUAN CITY – Dakpan sa malampusong manhunt operation kaganinang buntag ang top most wanted Communist Terrorist Group kon CTG member sa lukngsod sa Kitcharao, Agusan del Norte.
Gi-ila ni Police Regional Office kon PRO-13 director PBGeneral Romeo Caramat Jr. ang nadakpan nga si Sherwin Balangay Labador alias Wingwing, 20-anyos ug residente saPurok 8, Barangay Mahayahay sakop sa maong lungsod.
Si Labador usa ka membro sa Guerilla Front Committee 16, North Eastern Mindanao Regional Command ug apil usab siya sa 10 most wanted sa Agusan del Norte Police Provincial Office. Naaresto si Labador base sa Warrant of Arrest nga gi-isyu sa Branch 34, 10th Judicial Region, Regional Trial Court, nga nakabase sa Cabadbaran City sa kasong multiple attempted murder kansa duna’y pyansang 120-mil pesos.
Sigon sa heneral, gawas sa gipakusgang anti-criminality campaign, gipadayon usab sa PNP Caraga ang pagpalig-on sa ilang anti-insurgency drive aron masiguro ang kaluwasan sa publiko ingon man ang internal security sa rehiyon.
