BUTUAN CITY- Mokabat sa 22, 798,377 pesos kantidad sa illigal nga druga ang malampusong nasunog kaganina sa ginsakpan sa PDEA Caraga sa burner sa Richmond Plywood Corporation sa Barangay Mahogany ning siyudad sa Butuan.
Sa eksklusibong pakighinabi sa Bombo Radyo Butuan gibutyag ni Dindo Abellanosa ang tigpamaba sa Regional Philippine Drug Enforcement Agency nga ang mga dangerous drugs gilangkuban sa 2,940.64grams nga methamphetamine hydrochloride nga adunay kantidad nga Dangerous Drug Board (DDB) Php19,996,320.99 ug 23,350.47grams nga marijuana nga nagkantidad og Php2,802,056.17.
Sa wala pa ang destruction, gipakita sa mga chemist sa PDEA13 ang pagsusi aron pamatud-an ang ka-genuine sa iligal nga droga.
Sigon sa mga otoridad, aron maminusan ang epekto sa air pollutant, gisiguro sa mga niini nga ang destruction naagi sa pagkontrola sa polusyon sa mekanismo .
Ang tanan nga mga dangerous drugs gisunog sa usa ka burner nga konektado sa usa ka chimney nga gipanag iyahan sa maong kompanya.
Base sa datos sa PDEA13, ang gisunog nga mga dangerous drugs gipakita ingon nga ebidensya sa mga kaso niadtong 1999, 2000, 2007, ug gikan 2014 hangtod 2019 nga gipagawas na sa mga Regional Trial Courts sa Butuan City ug Cabadbaran, Agusan del Norte.
Ang maong kalihukan gitambungan sa nagkadaiyang bisita sama sa guest of honor ug speaker nga si Honorable Judge Isah J. Echem-Tangonan gikan sa Hall of Justice sa Butuan City; Director sa PDEA13 nga si Aileen T. Lovitos; Ang POLICE COLONEL ROGER L. QUESADA, ang Deputy Regional Director for Operations sa PNP Caraga, G. Lando S. Lim, manager sa Richmond Plywood Corporation, ug mga personalidad sa media.
Sa iyang mensahe, gibutyag ni Judge Echem-Tangonan nga ang kalihokan usa ka pagpakita sa kakugihan ug transparency sa gobyerno sa publiko subay sa nagpadayon nga giyera kontra droga.
Giila usab niya ang mga paningkamot sa pwersa sa kapulisan ug PDEA13 batok sa mga nahilambigit sa negosyo sa iligal nga droga.
